Стандарттаудың қысқаша
даму тарихы
Қоғамның дамуына сәйкес адамдардың
атқаратын жұмыс түрлері де өзгеріп отырады.
Бұл ертеде әр түрлі заттардың, жұмысқа қажетті құрал-жабдықтардың
және жұмысты атқарудың жаңа тәсілдерінің
пайда болуынан көрініс тауып отырған.
Сонымен бірге, адамдар өз жұмыс нәтижелерінің
ішінен қолдануға лайықты жақтарын таңдап
алып отырған. Көне дәуірдегі өлшем бірліктерінің,
стандартты мөлшерлі құрылыс бөліктерінің, су құбырларының қолданылуы стандарттаудың
мысалдары болып табылады. Қайта өркендеу
дәуірінде елдер арасында экономикалық
байланыстардың дамуына сәйкес стандарттау әдістері кең қолданыла бастады. Мысалы,
Венецияда көптеген кемелер жасау қажеттілігіне
сәйкес оларды алдын ала дайындалып қойылған
бөліктерден жинастыру қолданылды. Бұдан
кейінгі уақытта да стандарттау жұмыстары
жақсы дамып отырған. Мысалы, 1845 жылы Англияда бекіту оймаларының
жүйесі, Германияда теміржол табандарының
арақашықтығы стандартталды. Халықаралық
стандарттау жұмыстары 1875 жылдан бастау
алады. Осы жылы халықаралық метрикалық
конвенцияны құрайтын 19 елдің өкілі Халықаралық
өлшемдер мен салмақтар бюросын құрды.
КСРО құрамына кірген елдерде стандарттаудың
дамуы өлшемдер мен салмақтардың методикалық
жүйесін құрудан басталған. 1925 жылы стандарттау
саласында алғашқы орталық орган - Еңбек
және Қорғаныс Кеңесінің жанынан стандарттау
бойынша Комитет құрылды. Осы жылдан бастап КСРО-да стандарттау саласында көптеген
игі істер атқарылды. 1992 жылы бұрыңғы КСРО
аумағында тәуелсіз мемлекеттердің құрылуына
байланысты осы елдердің арасында стандарттау,
метрология және сертификаттау салаларындағы
байланысты орнатудың жаңа түрлері қарастырылды.
1992 жылы 13 наурызда Тәуелсіз мемлекеттер
достастығына (ТМД) енген елдер «Келісілген
саясатты жүргізу туралы» келісімге қол
қойды. Келісімге қол қойылуы, одан кейін
мемлекеттік стандарттардың әзірленуі
Қазақстан Республикасында стандарттау
жүйесінің қалыптасуының алғашқы кезеңі
болып табылады. 1999 жылы Қазақстан Республикасының
«Стандарттау туралы» және «Сертификаттау туралы» Заңдары қабылданды.
Заңдар стандарттау саласында нормативтік
құжаттарды әзірлеп шығару негізінде
тұтынушылардың мүддесін мемлекет тарапынан
қорғауға бағытталған шараларды айқындап
берді. ТМД-ның басқа да елдеріндегі сияқты
Қазақстан Республикасында стандарттау
жүйесінің дамуының негізгі бағыттары
мыналар:
- келісімге сәйкес мемлекетаралық стандарттау
жұмыстарын дамыту;
- Қазақстанның стандарттарды
халықаралық стандарттармен үйлестіру
жұмыстарын жеделдету;
- міндетті түрде сертификатталуға
тиісті өнімдердің (көрсетілетін
қызметтердің) мемлекеттік стандарттарын
дайындауды жеделдету;
- ИСО 9000 сериялы халықаралық
стандарттарын қолдана отырып елімізде сапа жүйелерін кеңінен енгізу, т.б.
Стандарттаудың ғылыми-техникалық
принциптері мен функциялары
Стандарттау әрқашан маңызды
практикалық мәселелерді шешуге бағытталып,
ғылыми-техникалық прогресті дамытуға
мүмкіндік жасап отыруы керек. Еліміздегі
және шетелдіктәжірибелер көрсетіп отырғандай, бұл мақсатқа
жету үшін стандарттауды белгілі принциптерге
сүйене отырып жүргізу қажет. Стандарттаудың
басты принциптері ретінде мыналарды атауға болады:
Стандарттарды ерікті түрде
қолдану және олардың біркелкі қолданылуына
жағдай жасау. Ұлттық стандарттар еліне
және өнімді шығаратын жеріне, өмірлік
циклінің процестеріне, көрсетілетін
қызметтерге, келісім ерекшеліктеріне
және тұлғаларға (дайындаушы, орындаушы,
беруші) қарамастан бәрі бірдей ерікті
түрде қолданылады.
Ұлттық стандарттарды жасағанда халықаралық
стандарттарды негіз ретінде қолдану.
Егер климаттық және географиялық немесе отандық
өнім өндірудің техникалық (технологиялық)
ерекшеліктеріне байланысты оны қамтамасыз
ету мүмкін болмаса, бұл принциптің орындалмауы
мүмкін.
Кедергі жасауға тыйым салу.
Өндірілетін өнімге және оның айналасына
стандарттау мақсатын орындауға сәйкес
ең төменгі деңгейден асып, кедергі болатын
талаптарға тыйым салынуы керек.
Әр жақтың мүддесін теңестіру.
Өнімді жобалаушының, дайындаушының және
берушінің заңды мүдделері толық ескерілуі
керек. Стандарттау жұмыстарына қатысушылардың,
бір жағынан өнімді дайындаушылардың
мүмкіндігі мен екінші жағынан тұтынушылардың
талаптары арасында (пәтуа) консенсус болуы керек. Пәтуа жалпы келісім
ретінде қабылданады, яғни мүдделі жақтардың
маңызды мәселелер бойынша қарсылықтары
жоқ екенін білдіреді. Пәтуаны әр жақтардың
толық ынтымақтастығы деп түсінуге болмайды.
Жүйелілік принципі. Техникалық
прогресс және өнім сапасын жақсарту өнім
шығару процесін, оның ішінде стандарттауды
жүйелі түрде жүргізуді талап етеді. Стандарттау
өндірістің бүкіл кезеңдерін және шикізаттарды,
материалдарды іріктеп жинақталған бұйымдар
мен дайын өнімдерді қамтуы керек. Сонымен
қатар, стандарттау барлық өнім түрлеріне
өзара үйлестірілген талаптар қойып отыруы
керек.
Динамикалық принципі. Тиімділік деңгейін
көтеру үшін стандарттау объектісіне
қойылатын талаптарды ғылыми-техникалық
прогресс талаптарына сәйкестендіру мақсатында
ұдайы қайтадан қарастырып отыру қажет.
Стандарттаудың тиімділігі. Стандарттар тағайындайтын
көрсеткіштер, нормалар, сипаттамалар
және талаптар ғылымның, техниканың және
өндірістің дүниежүзілік деңгейлеріне
сәйкестендірілуі керек. Олар стандарттау
объектісінің даму тенденциясын да ескеруі
қажет. Тағайындалған көрсеткіштер өнімнің
жаңа (жоғары) сапа көрсеткіштерінің тек
қана тиімділігін емес, оларды жасауға,
материалдарға, пайдалану жұмыстарына
жұмсалатын шығындарын ескеріп экономикалық
оңтайлы болулары керек, яғни, ең жоғары
деңгейдегіэкономикалық тиімділік шығын деңгейі ең
төмен жағдайда алынуға тиіс.
Үйлестіру принципі. Бұл принцип үйлестірілген
стандарттарды әзірлеуді және олардың
техникалық регламенттерге қайшы келмеуін
көздейді. Бір объектіге еліміздегі мекемелер
қабылдаған құжаттар халықаралық (өңірлік)
мекемелермен қабылданған құжаттармен
үйлестірілсе, халықаралық саудадағы
кедергілер жойылады.
Стандарттаудың негізгі жағдайларын
тұжырымды келтіру. Стандарттарда келтірілген
нормаларды әр түрлі мәнде түсінуге жол
берілмеуі керек.
Жинақтылық және оңтайлы иіектеу
принципі. Стандарттарды жасау кезінде
қарастырылып отырған объектіге әсер
ететін барлық басты элементтерді ескеру
қажет. Жұмыс көлемін азайту мақсатында объектіге әсер деңгейі төмен элементтер
ескерілмейді. Стандарттау кезінде сипаттамалар
жүйелері және көптеген өзара байланыстағы
материалды және материалды емес элементтер
қарастырылады. Сапалы өнім алу үшін қажетті
жағдайды туғызу және өндіріс тиімділігін
арттыру мақсатында оның барлық өмірлік
циклін қамтитын ұтымды стандарттар жүйесі
керек.
Талаптарды тексерудің әділеттілігі.
Стандарттарда объектінің негізгі қасиеттеріне
тағайындалатын талаптар, солардың ішінде
адам өмірі мен денсаулығын, мүліктердің, қоршаған ортаның қауіпсіздігін,
бірлестікті және өзара алмасуды қамтамасыз
ететін талаптар әділ тексерілетін болуы
керек. Өнімдерге қойылатын талаптарды
әділ тексеру техникалық өлшеу құралдарының
(приборлар, химиялық сынау тәсілдері)
көмегімен, ал қызмет көрсету әлеуметтік
және сараптамалық әдістермен жүргізіледі.
Стандарттау функциялары:
Әлеуметтік және техникалық-экономикалық
мақсаттарға жету үшін стандарттау әр
түрлі функцияларды атқарады.
Реттеу функциясы. Объектілердің жөнсіз
көп түрлерін (көптеген өнім атауларын,
жөнсіз көбейтілген құжаттар түрлерін)
ықшамдап шектеу.
Қорғау (әлеуметтік) функциясы - өнімді
шығарушылардың, тұтынушылардың және
мемлекеттің қауіпсіздігін қамтамасыз
ету, адамзатты, табиғатты техногенді
апаттардан қорғауға жұмылдыру.
Ресурстарды үнемдеу функциясы
- материалдардың, энергетикалық, еңбек
және табиғи ресурстардың шекті болуы
себепті нормативтік құжаттарда ресурстарды үнемді пайдалануды
қарастыру қажет.
Арақатынасқа байланысты функциясы
- ақпараттың (компьютерлік, спутниктік,
ж.б.) жүйелерін және хабарды тарату каналдарын
пайдалана отырып, адамдардың өзара пікірлесуін
және әрекеттестігін қамтамасыз ету. Бұл
функция саудадағы кедергілерді жою және
ғылыми-техникалық, экономикалық байланыстарды нығайту үшін
қажет.
Цивилизациялау (қоғамдық даму) функциясы -
адам өміріне қатысты көрсеткіштерді
өнім мен қызмет сапаларын белгілеу негізінде
жақсарту. Мысалы, адам өмірін ұзарту мемлекеттік
стандарттардың тамақ өнімдерінде, ауыз
суда, темекінің құрамында болатын зиянды
заттардың мөлшеріне қоятын талаптарының
қатаңдығына тікелей байланысты. Бұл мағынада
стандарттар еліміздің қоғамдық даму
деңгейін, яғни өркениет (цивилизация)
деңгейін көрсетеді.
Ақпараттық функциясы. Стандарттау өндірісті,
ғылымды, техникалық және басқа салаларды
нормативтік құжаттармен, эталондармен,
үлгілермен, бағалы техникалық және басқару
ақпараттарының сақтаушысы болып табылатын
өнім эталондарымен, өнім каталогтарымен
қамтамасыз етеді.
Норманы бекіту және құқықты
қолдану функциясы - стандарттау объектілеріне
қойылатын талаптарды міндетті стандарттар
(немесе басқа нормативтік құжаттар) түрінде
заңдастыру және құжаттарға құқықтық
күш беру нәтижесі оларды жаппай қолданудан
байқалады. Нормативтік құжаттардың міндетті
талаптарын орындау экономикалық әкімшілік
және құқықтың міндеттеу шараларын (санкцияларын)
қолдану арқылы жүзеге асырылады.
Дәлелділік функциясы. Бұл функцияның мәні
нақтылы техникалық регламенттерге үйлестірілген стандарттар
регламенттің маңызды талаптарының дәлелділігін
көрсетуінде.
Сертификаттау негіздері.Cертификаттаудың
мағынасы және мазмұны. Негізгі түсініктемелер
және терминдер
Сертификаттау- өнім, процесс, жұмыс, қызмет
белгіленген нормативтік құжаттар талаптарына
сәйкестігін дайындаушыдан (сатушы, орындаушы)
және тұтынушыдан (сатып алушыдан) тәуелсіз
органмен жазбаша растау.
Сәйкестік сертификат- Мемлекеттік сертификаттау
жүйесі ережелері бойынша берілген өнім,
процесс, жұмыс, қызмет, техникалық реттемелер,
стандарттар немесе басқа нормативтік
құжаттар талаптарына сәйкестігіне қажетті
сенімділік қамтамасыз етілгендігін көрсететін
құжат.
Сәйкестік туралы
декларация- өнім белгіленген талаптарға
сәйкестігін куәландыратын жеткізушінің
(өндіруші, сатушы) Мемлекеттік сертификаттау
жүйесі бекіткен құжаты.
Сәйкестік белгісі- Мемлекеттік сертификаттау
жүйесі ережелері бойынша осы өнім, процесс,
жұмыс, қызмет нақты өнімге немесе басқа
нормативтік құжатқа сәйкестігіне қажетті
сенімділікпен қамтамасыз етілгендігін
көрсететін, белгіленген тәртіпте қорғалынған
белгі.
Сертификаттаудың
түрлері
Қазақстан Республикасында
өнімдерді (процесстерді, қызметтерді,
жұмыстарды) сәйкестігін растау ерікті немесе міндетті түрінде
атқарылуы мүмкін.
Міндетті сертификаттау адамдардың өмірі, денсаулығы,
азаматтардың мүлкі мен қоршаған орта
үшін олардың қауіпсіздігін қамтамасыз
ететін стандарттың немесе өзге нормативтік
құжаттың міндетті талаптарына сәйкестігі
тұрғысында міндетті сертификаттауға
жататын өнімдердің, жұмыстардың, қызмет
көрсетулердің тізбесіне еңгізілген өнімдерді,
жұмыстарды, қызмет көрсетулерді сертификаттау.
Міндетті сертификаттауға жататын
өнімдердің тізбесін Қазақстан Республикасының
Үкіметі белгілейді.
Ерікті сертификаттау өтініш берушінің (дайындаушылардың,
сатушылардың) басшылығы бойынша өнімнің,
процестердің, жұмыстардың, қызмет көрсетулердің
өтініш беруші айқындайтын нормативтік
құжаттардың талаптарына сәйкестігін
растау мақсатында жүргізіледі. Ерікті
сертификаттау міндетті сертификаттауды
алмастыра алмайды.
Сертификаттаудың
қатысушылары
Сертификаттау жүйелеріне қатысу
түрлері: стандарттау жүйесіне жіберіледі;
стандарттау жүйесіне қатысу; стандарттау
жүйесіне мүше болу.
Стандарттау жүйесіне жіберіледі
дегеніміз- өтініш берушілер осы жүйенің
ережелеріне сәйкес өнімді сертификаттаудан
өткізуі мүмкін.
Сертификаттау жүйесінің қатысушысы-
осы ережелерге сәйкес күші бар және жүйеде
басқаруға қатысатын немесе басқаруға
мүмкіндігі бар орган.
Сертификаттау жүйесінің мүшесі-
осы жүйе ережелеріне сәйкес күші бар
және жүйе басқаруда қатысуға немесе басқаруға
мүмкіндік беретін орган.
Сонымен бірінші қатысу түрі
әзірлеуші-өндірістерге, өнім жеткізушілерге жатады,
ал қалған екі түрі сертификаттау органдарының
ұлттық, аймақтық және халықаралық сертификаттау
жүйелерінде жұмыс атқаруына қатысты.
Мойындау жөніндегі
келісім
Мойындау жөніндегі
келісім- «бір немесе бірнеше сертификаттау
жүйесінің атқарымдық элементін қолданудан
алынған», басқа тараптармен ұсынған нәтижелері
бір тараптар қабылдауда негізделген
келісім.
Бұл келісімдер жалпы немесе
жеке нәтижелерге қатысты болу мүмкін, мысалы
"сынау жөніндегі келісім”, "бақылау
жөніндегі келісім” және т.б. Мойындау
жөніндегі келісім ұлттық, аймақтық және
халықаралық деңгейде бекітіледі.
Бір тарапты келісім-екінші тараптың жұмыс нәтижелерін бірінші
тараппен қабылдау.
Екі тарапты келісім-бұл өзара мойындау келісім,
яғни басқа тараптың жұмыс нәтижелерін
әрбір тараптармен қабылдау.
Көптарапты келісім-бұл екіден астам тараптардың
жұмыс нәтижелерін өзара қабылдау.
Осындай келісімдерде қатысу
тараптардың құқықтары мен міндеттері
бірдей болуы мүмкін. Бірақ кейбір жағдайларда
тараптардың мүмкіндіктері әр түрлі болғандықтан,
келісім қатынастары эквивалентті еместігін
екі жақты келісімде еске алу керек.