Ғылым философиясы мен методологиясы философиялық білімнің саласы

Кейде ғылыми білім өзге білім салаларымен салыстырғанда өзінің жоғары дәлелдігімен ерекшеленеді деп айта аламыз. Бұл рас болғанымен шешуші роль атқармайды. Бастапқыда көптеген ғылым заңдары гипотеза (грекше – hipothesis негіз, жорамал) формасында көрінеді. Гипотезалар – бұл толығымен бекітілмеген, дәлелденбеген, белгілі мөлшерде ғана негізделген болжамдар, жорамалдар. Өздерінің логикалық формасында олар, әдетте, мына түрдегі пікірлер кейпінде болады: «егер А жүзеге асса, онда өзгесі де іске асады», «егер А және В арасында R қатынасы болса, онда олардың арасында Q қатынасы да болады» және т.б. Гипотезалар екі үлкен топқа бөлінеді: айғақтық және теориялық гипотезалар. Алғашқылары – жекелеген затар, жағдайлар мен процестер туралы болжамдар мен жорамалдар.