Туристік индустрияда қауіпсіздік шараларын сақтау

Сапар болмай қалса туристердің шығындарын сақтандыру келісім-шартында келісілген сақтандыру сомасы негізінде төленеді. Сапар келесі себептер бойынша болмай қалса, онда сақтандыру сомасы толық не жартылай төленеді:

1.      туристің өзінің немесе оның жанұя мүшелерінің, жақын туыстарының бірінің қаза болуы немесе денсаулығының кенеттен нашарлауы;

2.      қоршаған ортаның немесе үшінші адамдар әрекеттерінен туристің мүлкінің зақымдалуы;

3.      жоспарланған сапар болар кезінде турситің соттық талқылауларға қатысуы;

4.      әскери міндетін орындауға шақырылу;

5.      кіру визасын ала алмау;

6.      келісім-шартта көрсетілген басқа да себептер.

Сақтандырудың өзіндік айрықша түрлеріне көліктің айтарлықтай уақытқа бөгелуі, сақтанушы адамның демалыс кезінде қолайсыз ауа райында болуы және тиісті туристік қызметті толық немесе мүлдем көрсетпеу жатады.

Сақтандыру полисіне сәйкес қайтарымдар

Сақтандыру полисі сақтанушыға шетелде медициналық жәрдем көрсетумен байланысты күтпеген шығындардан, оның ішінде спортпен шұғылданған кездегі шығындардан да сақтануды қамтамасыз етеді. 
 
Сақтандыру полисіне сәйкес мынадай шығындардың орны толтырылады:

• стационарлық және амбулаторлық емдеу бойынша медициналық шығындар;
• жүктілік мерзімі 3-айдан көп болмаған кездегі жүктілікпен байланысты шығындар;
• асқынған тіс ауруын емдеуге байланысты шығындар;
• жарақаттарды емдеуге байланысты шығындар;
• тәулік бойғы диспетчерлік қызмет;
• жедел жәрдем қызметі;
• эвакуация мен репатриация шығындары.