Туристік бизнес

− туризм саласындағы  менеджмент және маркетинг салаларында  білімді, тәжірибелі мамандардың аздығы;

− төменгі ғылыми-зерттеу  әлеуеті, нарықты жеткілікті зерделей және талдай алмауы.

− шетел және отандық ақпараттық жүйелерімен, мәліметтер базаларымен өзара әрекеттің төмендігі;

− ішкі туристік бағыттардағы баға саясатының нашарлығы;

− турфирмалар  ұсынатын өнімдерге сұраныс құрылымы мен күтілетін сұраныс мөлшері  туралы ақпараттың болмауы;

− бәсекелестер мен серіктестердің стратегиялық жоспары  туралы ақпараттардың болмауы;

− халықаралық  және отандық нарықтағы өзгерістер туралы, сондай-ақ отандық және шетел  салалық инновациялар туралы шұғыл  ақпараттардың болмауы;

− басқарушы (менеджер) мамандардың құрамындағы лидерлердің  болмауы.

Туризм саласы дамып, жаңа жұмыс орындары ашылып жатса, онда осы саланы оқып, меңгерген мамандарға сұраныс пайда болады. Қазақстандық туристік салаға сәйкес мамандарды қалыптастыру үшін:

─ «туризм» мамандығы бойынша жоғары кәсiптiк бiлiмнiң мемлекеттiк стандартын жетілдіру;

─ туристiк мамандарды даярлауды жүзеге асыратын жоғары оқу орындарында туристiк қызметтiң әртүрлi қажеттiлiгi мен даму деңгейiн ескере отырып, мамандануын анықтау;

─ мамандарды оқытуда, олардың отандық туристiк ресурстарды игеруiне, оларды пайдалану әдiстерiне көңіл аудару

─ мамандардың оқытылу кезінде жаңа ақпараттық технологияларды бiлуiне және шетел тілдерін меңгеруіне мүмкіндік туғызу;

─ орта арнаулы оқу орындарында бiрiншi деңгейдегi туристiк қызметкерлердi даярлауды ұйымдастыру;

─ жалпы бiлiм беретiн оқу орындарында туристiк сыныптар, секциялар мен үйiрмелер құруға көмектесу;

─ туризмге қатысты өзге тілде жазылған оқулықтар мен кітаптарды мемлекеттік тілге аударуды қолға алу.

Тағы бір  мәселе, елдегі туристік тасымалдау инфрақұрылымының, яғни көлік кешенінің жеткіліксіз дамуы. Жалпы, көлік- тек туристерді тасымалдауда ғана маңызды рөль ойнамайды, көлік- экономиканың «қан жүргізетін» жүйесі. Соған байланысты, көліктің дамуына да мән берілу керек.

Туризмнің біздің елімізде табысты дамуы, бірінші  кезекте өзімізге байланысты.Егер өз елімізді сүйетін болсақ, оның тарихын, мәдениетін, дәстүрін білуіміз, өзінің бүкіл бос уақытымызды- елімізге саяхатқа шығуғу арнау , балаларды оған үйрету, өз өлкеміздің көз тартатын жерлері туралы шетелдіктерге сағаттап беріле әңгімелеу, оның ар-намысын белсенді насихаттау керек, жағдай жасау және туристік жолдағы кедергіні жою, бұдан әрі, нәтижелер өзін күттіріп қоймайды. Қазақтар қашанда әуесқой, шығармашыл және жылжымалы халық болған.Көпшілдік, қонақжайлық, кішіпейілдік саяхатпен жұмбақ әлемді тануға деген құштарлық бәрі бәрі біздің халқымыздың сипатын ашып береді деуге болмайды, өйткені оның ар жағында бай мәдени-тарихи, рухани мұрамызбен қатар, біздің еліміздің туризмінің жақсы дамуына негіз бола алатын өзіндік ерекшелікке толы , ғажайып табиғаты бар өлкеміз тұр.

 

 

 

ҚОРЫТЫНДЫ

Мақсаттар мен міндеттерге сәйкес туристік саланы дамытудың мынадай негізгі  бағыттары белгіленеді:

• Туристік қызметті мемлекеттік реттеу
• Туризмдегі мемлекеттік реттеу жүйесін жетілдіру туристік қызметті жүзеге асырудың өзгерген әлеуметтік-экономикалық жағдайларға толық жауап беретін мақсаттарына, қағидаттарына және міндеттеріне сай жаңа көзқарастарды талап етеді. Бүгінгі таңда атқарушы билік органдары мен туризм саласында әрекет ететін ұйымдардың арасындағы өзара іс-қимылды реттеудегі мемлекеттің рөлін арттыру қажет. Саланы орталықтандырып басқару Қазақстан Республикасының Туризм және спорт жөніндегі агенттігіне жүктеледі.
• Туризмді кешенді дамытудың табысты іске асырылуын қамтамасыз ету саланы мемлекеттік басқару әдістерін дұрыс таңдауға тікелей байланысты. Қазіргі уақытта, саланы мемлекеттік реттеу мынадай шараларды жүзеге асыруға бағытталуға тиіс:
• Республикалық және аймақтық  деңгейлерде туризмді дамыту саясаты мен жоспарлауды үйлестіру;
• туристік индустрия саласындағы қарым-қатынасты ретке келтіру мен жетілдіруге бағытталған заңнамалық және нормативтік құқықтық базаны қамтамасыз ету;
• сапалы туристік өнімнің ажырамас бөлігі ретінде туристерді қорғауды және олардың қауіпсіздігін қамтамасыз ету;
• статистиканы және зерттеу қызметін жетілдіру;
• білім және оқу стандарттарын қоса алғанда, туризмге арналған кадрларды кәсіптік даярлау;
• туризм саласында мүдделі министрліктер мен ведомстволар, сондай-ақ мемлекеттік және жеке секторлар арасында жоғары деңгейдегі үйлестіруді қамтамасыз ету;
• туризм инфрақұрылымын дамыту

Беделді көтерудің негізгі іс-шаралары Қазақстанның туристік фирмалары мен агенттіктерінің  халықаралық туристік көрмелерге, жәрмеңкелер  мен конференцияларға, оның ішінде ДТҰ тарапынан өткізілетіндеріне  қатысуы, сондай-ақ Қазақстан Республикасының аумағында осыған ұқсас іс-шаралар ұйымдастыру болуға тиіс. Қазақстанды Еуразияның қоғамдық және мәдени құбылыстар орталығына айналдыруға ықпал ететін конгрестік туризмді дамытудың маңызы бар.

Елдің туристік беделін қалыптастыруда республика аймақтарында және шет елдерде туристік ақпараттық орталықтарды ұйымдастыру да маңызды рөл атқарады. Туристік ұйымдар мен Қазақстан Республикасының шетелдердегі дипломатиялық өкілдіктерінің өзара бірлескен іс-қимыл жасау тәжірибесін пайдалануға лайықты назар аудару керек. Елдің туристік әлеуетін жарнамалауда ұлттық авиатасымалдаушы мен басқа да көлік кәсіпорындары пәрменді көмек көрсете алады.

Шетелде Қазақстан туралы сапасы жоғары полиграфиялық  және аудио-бейне жарнама материалдарын  шығару және белсенді түрде тарату қажет. Қазақстанға туристерді тартуға өлкетану жарияланымдары, жарнама-баспа қызмет, оның ішінде туристік фирмалар мен қонақ үйлердің жарнама-баспа қызметі өз ықпалын тигізеді. Жаңа ақпараттық технологияларды пайдалануға, оның ішінде Интернет жүйесінде Қазақстанның туристік фирмалары-ның WEB -сайттарын құруға айрықша мән беру қажет.

Туристік  ағынды жөнелтуші елдердің туристік агенттіктері мен бұқаралық ақпарат  құралдары өкілдеріне арнап Қазақстан  бойынша танысу саяхаттарын ұйымдастырудың тиімділігі мол болады.

Қолайлы туристік беделді құруға Қазақстанда  халықаралық дәрежеде әртүрлі мәдени, спорттық және туристік іс-шаралар  еткізу ықпал етеді.

Сондай-ақ, қонақжай республика беделін жасауға  туристер жиі болатын орындарда  қазақша, орысша мәтіндеріне латын транскрипциясымен қоса берілген ақпараттық таблолар мен жазбалардың жасалуы мен орнатылуы өз септігін тигізеді.

Қазіргі заманғы туризм индустриясын құру саланы дамыту проблемаларын, туризм рыногы дамуының құрылымын, тетігі мен заңдылықтарын  ғылыми тұрғыда зерделемейінше, сондай-ақ саланы дамытудың ғылыми қамтамасыз ету жүйесін құрмайынша мүмкін болмайды.

Қорытындылай  келе, жалпы Қазақ елінің туристік нарықта өз орнын алып, бәсекеге қабілетті болуына үлкен мүмкіндіктері  бар. Туризмнің біздің елімізде жақсы, табысты дамуы үшін ең бірінші кезекте отансүйгіш, патриот, өз елінің дамуы мен гүлденуіне аянбай еңбек етуге дайын жастар тәрбиелеп шығару керек, жастар ғана емес, жалпы ел тұрғындарының бәрінде осындай ой болуы тиіс. Егер, өз елімізді сүйетін, еліміздің дәстүрін, мәдениетін, тарихын білетін, өзінің бүкіл бос уақытын білім алумен еңбек етуге жұмсайтын азаматтар көп болса, онда олар қай салада жұмыс істегеніне қарамастан, әрқашанда елдің болашағын бірінші орынға қояды және елдің болашағы үшін аянбай еңбек етеді. Осындай жақсы қасиеттермен бірге кішіпейілдік, қонақжайлық, көпшілдік қасиеттерін ұштастыра отырып еліміздің беделін арттыру керек. Сонда елімізге келуші шет ел азаматтарының да саны өсері сөзсіз.

 

ПАЙДАЛАНЫЛҒАН ӘДЕБИЕТТЕР ТІЗІМІ

 

1. Белсенді және спорт туризмі. Оқу- әдістемелік құрал. Қ.А.Ясауи атындағы ХҚТУ. Түркістан. 2008. -73 б.

2. Оқушылардың дене сапаларын қалыптастырудағы дене тәрбиесі жаттығулардың маңызы. //Зерттеуші. – №5. Шымкент. 2008. – Б.144-149. (авторлық бірлестікте А.Рахымжанов)

3. Балалар үйлері бастауыш сынып оқушыларына дене тәрбиесін беруде ұлттық ойындарды ендірудегі қазіргі замандағы интеграциялық көзқарастар. //Зерттеуші. –№5.  Шымкент. 2008. – Б.149-151.

4.Студенттердің ұйымдастырушы  басқарушылық қабілетін қалыптастырудағы спорттық және қимыл- қозғалыстық ойындарының маңызы. //Ұлт тағлымы. -№3 (1). Алматы. 2008.  - Б.80-84.

5. Дене шынықтыру және спорт тарихының мәселесі. //Зерттеуші. – №5.  Шымкент. 2008. – Б.150-153.

6. Оздоровительный туризм. //Узбекистан Республикасы –Халықаралық конференция. Самарканд-2008.-С.43-46. (авторлық бірлестікте Н.Арыстанов)

7. Халықаралық туризмнің тарихы және теориясы В.Н.Вуколов 2005

8. Студенттердің коммуникативті және ұйымдастырушылық – басқару қабілетінің мәні. //Ізденіс. -№3 (2). Алматы. 2008.- Б.213-216.

9. Студенттерде коммуникативтік және ұйымдастырушылық –басқару қабілеттерін қалыптастыру моделі. //Ізденіс. -№3 (2). Алматы. 2008.- Б.216-219.

10. Аймақтық туризмді дамытудың мақсаты мен негізгі бағыттары. //«Қазақ мемлекеттілігінің хронологиясы, құрылымы және заңдылығы туралы мәселелер» атты Халықаралық ғылыми –теориялық конференция. Түркістан. 2008.- Б.307-309. (авторлық бірлестікте э.ғ.к.,доцент С.Асан)

11. Туристік ұйымдардағы кәсіпкерлік қызмет. //«Қазақ мемлекеттілігінің хронологиясы, құрылымы және заңдылығы туралы мәселелер» атты Халықаралық ғылыми –теориялық конференция. Түркістан. 2008.- Б.313-316. (авторлық бірлестікте э.ғ.к.,доцент С.Асан)

12. Қазақстандағы туристік қызметтің дамуы (мақала) баспа «Аманжолов оқулары- 2005» атты Халықаралық ғылыми-практикалық конференцияның материалдары, Өскемен, 2005, б.162-165. - 0,2 б.п.

13.Кластерлік  саясаттағы Қазақстанның туристік  өнімі (мақала) баспа «С. Аманжолов  оқулары- 2007» атты Халықаралық  ғылыми-практикалық конференцияның  материалдары, Өскемен, 2007, б.20-25. - 0,3 б.п

14.Туристік фирмалардағы  маркетингті басқарудың теориялық  негіздері (мақала) баспа Халықаралық  ғылыми-тәжірибелік конференция  «Қазақстанның экономикалық өсуінің  даму стратегиясы: тәжірибелер,  мәселелері және болашағы», Алматы, 2008, б.110-113. - 0,3 б.п.

15.Туристік қызметтер  нарығында маркетингті қолданудың  ерекшеліктері (мақала) баспа «Вестник  КАСУ», № 3, Өскемен, 2009, б.271-275. - 0,3 б.п.

16.Туристік нарық  маркетингтік зерттеулердің объектісі  ретінде (мақала)