Қазіргі мектептердегі оқыту үрдісінде әдістерді тиімді қолданудағы іс-тәжірибелер

Ал, адамның  белсенді де дербес  іс-әрекетінің шегі жоқ. Тұтас педагогикалық процесс  мұғалім мен оқушы арасындағы өзара тығыз байланысты іс-әрекетпен  сипатталады. Бұл жерде еске алатын нәрсе мұғалімнің қызметінің ерекшелігі өсіп-дамып келе жатқан жас адамның ішкі жан дүниесін үнемі сезе білуі. Сондықтан ешбір оқулық та,  бағдарлама да мұғалім мен бала арасындағы жанды ынтымақтастықты алмастыра алмайды. Бұдан туындайтын ой: бүгінгі мектептегі педагогикалық үрдісте мұғалімді де, оқушыны да бірдей шығармашылық позицияға қоятын педагогикалық ситуация  туғызу.

Кезінде көрнекті ғалым-педагог Б.П. Есипов мұғалімнің еңбегіне мән беріп, оқушылардың  шығармашылық еңбегі бір нәрсені жасау, табумен ғана шектелмей, оның сол жаңаны табуға, жасауға жету жолында шеберлігін, әдісінде қамтитынын түсіндірген [5.78].

Педагогикалық-психологиялық  және философиялық, социологиялық зерттеулерде әсіресе, соңғы жылдары дүниежүзілік іргелі ғылыми жаңалықтар негізінде білім беру жүйесіндегі білімдарлықпен қатар, мысалы, ғылым саласында Нобель сыйлығының лауреаттары басқа елдермен салыстырғанда сан жағынан АҚШ-та басым. Өйткені, АҚШ-тың білім беру жүйесінде шеберлік, шығармашылық жоғары сатыға қойылған. Мектеп тәжірибиесінде оқушылардың таланты мен қабілетінің дамуына, олардың ойлау іс-әрекеттері мен дербес идеяларының орындалуына оқу процесін ұйымдастыру барысында да, сабақтан тыс жұмыстарда да мұғалім тарапынан ешбір тежелу жасалынбайды. Ал, мұндай жағдай балалардың мектеп жасынан бастап-ақ  қабілеттері мен бейімділіктерінің дамуына мүмкіндік туғызады да, таланттардың шығуына жол ашады.

Сондықтан біздің еліміздегі болып жатқан өзгерістер барысында мұғалімдердің шығармашылық іс-әрекеті таланттарды тани білуге толық бетбұрыс жасауы керек.

Шеберлік, шығармашылық – бұл белгілі қатынастар арқылы өзара байланысқан  және өзгеру жағдайында педагогикалық міндеттерді шешуге бағытталған қызмет жүйесі [9.214].

Педагогикалық шеберліктің іске асуы байқалатын тәжірибиені мақсатты да белсенді түрде пайдалануға байланысты. Шеберліктің ең жоғарғы деңгейіне жетудің жолы жан-жақтылық пен оның құрамына енетін педагогикалық әрекеттердің бір-біріне ауысуымен сипатталады.

Басқа мамандық иелеріне қарағанда мұғалімдердің өз білімдерін және жұмыс әдістерін жаңартып отыруы – мамандық заңдылығы. Сондықтан, мұғалім педагогикалық әрекеттерді іске асыру әдістерін меңгеруі тиіс.

Мұғалім өз пәнін  оқытудың әдістерін жете игерген, шығармашылықпен  еңбек ететін, педагогикалық шеберлігін үнемі жетілдіретін маман.

Педагогикалық шеберлік – идеялық-саяси бағыттың, жалпы мәдениеттің, мамандық білім, іскерлік дағдының, ұстаздық тәжірибенің  жиынтығы. Педагогикалық шеберлік- кейбіреулерге ғана табиғаттың таңдап берген сыйы емес, ол үздіксіз ізденудің өзін-өзі үнемі кәсіби жетілдірудің және өзінің қалаған мамандығына деген құмарлығынан туындайтын іс-әрекеттерінің жиынтығы [9.87].

Оқу- тәрбие негізгі  сабақ. Сондықтан сабақ тартымды, әсерлі, мақсатты, айқын, қызықты және толық мәнді болуы тиіс.

Сабақ – бұл  логикалық аяқталған, толық белгілі  уақытпен шектелген оқу-тәрбие процесінің бір бөлігі. Онда оқу-тәрбие процесінің барлық элементтері енгізілген: мақсаты, мазмұны, әдістері, құралдары, ұйымдастырылуы.

Сабақтың сапасы осы аталған эелементтердің әрқайсысының дұрыс пайдалануынан тұрады.

Сабақты жоспарлаған  кезде тек қандай білім беру керектігі  ескерілмей, қандай дәрежеде қабылдау керектігінде ескеру қажет.

Қазіргі сабақтарға төмендегідей талаптар қойылуы тиіс:

1. Сабақта берілетін мазмұны ғана қарастырылмай, сонымен қатар алған білімдерін іс жүзіне асыру үшін тапсырмаларда қа<span clas