Медициналық мекемелердегі құжаттардың жіктемесі

С.Ж.АСФЕНДИЯРОВ  АТЫНДАҒЫ ҚАЗАҚ ҰЛТТЫҚ МЕДИЦИНА УНИВЕРСИТЕТІ		КАЗАХСКИЙ НАЦИОНАЛЬНЫЙ МЕДИЦИНСКИЙ  УНИВЕРСИТЕТ ИМЕНИ  С.Д.АСФЕНДИЯРОВА

 

 

                         СӨЖ

Тақырыбы:

 Медициналық мекемелердегі құжаттардың жіктемесі.

 

                        

 

 

 

 

 

 

                        Орындаған: Жәділ Аида

                                                           Топ:ЖМ13-027-02

                                 Тексерген: Қошқарбаев.Е.Е

 

 

 

Жоспары:

     Кіріспе

 І. Құжаттану тарихы

ІІ. Құжат ұғымы, жіктемесі

      1. Медициналық мекеме жайлы

      2.Ақпараттық – анықтамалық құжаттар

     3.Медициналық мекемедегі іс-қағаздар түрлері

     4.Жеке медициналық кітапшаны беру,  
есепке алу және толтыру ережесі

     5.Мемлекеттік қызмет көрсету регламенті

    6. Медициналық қызметке лицензия және қосымша алу үшін қажетті          құжаттар туралы ақпарат.

     7.Медициналық сақтандыру

     8.Жедел жәрдем стансасы және оның бөлімшелерінің әкімшілік басқарылуы.

ІІІ. Жаңалықтар

 

 

 

 

 

 

 

 

 

 

        Адам баласының жазуды меңгергеннен кейінгі ісінің басы құжат жасау болған. Бұған адамзат тарихында затты-нақты айғақтар жеткілікті. Түрлі болжамдар мен салмақты ғылыми ізденістер нәтижесінде жарық көрген сүбелі дүниелер де көп. Оның барлығына тоқталып жатуды былай қойғанда, атауларын тізіп шығудың өзі мол көлемді талап етеді. Сондықтан біз бұл жерде тақырыпқа қатысты негізгі мәселелерді қысқаша тұжырымдап берумен шектелгенді жөн көріп отырмыз. Сонымен, іс қағаздарын жүргізудің басты өзегі құжат дегеніміз не?

     ҚҰЖАТТАУ, құжаттама – 1) қайсыбір мәселеге, құбылысқа, тұлғаға не мекемеге арналған құжаттардың жиынтығы.

Құжат деп қандай да бір зат туралы ақпаратты тіркеуге, беруге және сақтауға қызмет ететіннің барлығын атаймыз. Басқаша айтқанда, құжат – ақпараты бар материалдық тасымалдаушы. Мұндай тасымалдаушы ретінде қағаз, компьютер дискісі, фото және кинопленка және т.б. қызмет етуі мүмкін. Іс құжаты әкімшілік (басқару) ақпаратты белгілеу үшін қызмет етеді.

Фабрика өнім шығаратыны секілді, әкімшілік басқармалары құжат шығарады. Мұның айырмасы фабрика үшін өнім шығару оның мақсаты болса, әкімшілік  басқарудың мақсаты басқару қызметі  болып табылады. Оны іске асыру  үшін ол құжатпен ресімделуі керек.

            «Құжат» ұғымы білімнің көптеген саласында қолданылып, тұтас бір ғылыми пәндер қатарындағы зерттеу объектісі болып табылады. Бұл ғылымдардың әрқайсысы құжатқа анықтама беруде қандай өлшемдер (құжаттың мәні, нысаны, ақпаратты жазу мен дыбыстап бейнелеу тәсілі т.б.) негіздеме ретінде алынғанына қарай өз тәсілдерін  ұсынады.

            Құжат ұғымына берілген анықтамаларды  көктей шолғанда, зерттеу нысанасы  мен міндеттеріне қарай айырмашылықтардың  да бар екендігін байқаймыз.  Құжат ұғымын деректану саласы  кең ауқымда түсіндіреді. Ол  бойынша, құжат – объективті  өмір шындығы мен адамның ой  қызметіне қатысты ақпараттарды  арнайы материалға кез келген  тілде, кез келген тәсілмен  бекіту құралы. Деректануда құжат –арнайы ақпарат жеткізуге арналған объект.

ығы.

 

 

 

ІC ҚАҒАЗДАРын ЖҮРГІЗУ

 

Ісқағаздарын  жүргізу – бұл құжаттар дайындау және кеңсе құжаттарымен жұмыс жүргізуді қамтамасыз ететін қызмет саласы. Соңғы кездері басқаруды құжаттандырумен қамтамасыз ету (БҚҚ) деген термин жиі қолданыла бастады. Бұл термин іс жүргізудің ұйымдастыру-техникалық негізін жетілдіруге байланысты, құжаттармен жұмыс жасау саласына есептеуіш техника құралдарын, ақпарат жинау, өңдеу, сақтау және пайдаланудың қазіргі заманғы ақпараттық технологияларын енгізуге байланысты пайда болды.

Ісқағаздарын жүргізудің негізгі элементтерінің бірі – құжат  жасау болып табылады. Құжат жасау  дегеніміз – ақпаратты қағазға  немесе басқа тасымалдаушыға жазу (түсіру) болып табылады. Ол бекітілген нормативтік-құқықтық актілердің ережелері бойынша жүзеге асырылады және заңдық күші болады.

Заңдық күш құжаттың қолданыстағы заңнамаға, оны шығарған органның құзыретіне, ресімдеудің бекітілген тәртібіне байланысты болады.

Басқару құжаттары мекеме құжаттарының негізін құрайды және ісқағаздарын жүргізудің нысаны болып табылады.

Медициналық мекеме жайлы 

Емханада қызметтің келесі түрлері көрсетіледі:

• Отбасын, аналық, әкелік және балалықты қорғауға тұрғындарды тәрбиелеу және гигиенаға үйрету;
• Ересектер мен балаларға амбулаторлық-хирургиялық медициналық көмек көрсету;
• Салауатты өмір салтын қамтамасыз ету мақсатында балаларға үздіксіз білікті медициналық бақылау көрсету;
• Бір жасқа дейінгі балаларды динамикалық бақылауға алу;
• Еңбек қабілеттілігінен айырылудың тұрақты белгілері тұлғалардың медициналық-әлеуметтік сараптау комиссияларына жіберу;
• Рецептерді жазып беру, соның ішінде тегін (жеңілдік) дәрі-дәрмекпен қамтамасыз ету;
• Әлеуметтік көмек көрсету, сонымен қатар тұрғындарға құпиялық жеке және топтық психологиялық көмек көрсету;
• Індетке қарсы іс-шаралар: иммунды алдын алу, жұқпалы ауруларды анықтау, «ошақтарды» бақылау;
• Әйелдердің жыныс ағзаларының гинекологиялық, онкологиялық ауруларын ерте анықтау мақсатында әйелдерге алдын ала тексерістерді жүзеге асыру, жүкті әйелдерді уақтылы есепке алу және бақылау;
• Ақылы медициналық көмек көрсету.
• Мақсаттары мен міндеттері
• Емхананың негізгі міндетіне: 
   
  1) аймақта бекітілген тұрғындарға емханада және үйінде алғашқы медициналық – санитарлық көмек көрсету; 
   
  2) тұрғындар арасында профилактикалық іс шара кешенін ұйымдастыру және жүргізу; 
   
  3) тұрғындарға диспансерлік бақылау ұйымдастыру және жүзеге асыру; 
   
  4) тұрғындарға санитарлық – гигиеналық тәрбие беру және салауатты өмір салтын насихаттау бойынша іс шара ұйымдастыру және жүргізу. 
   
  

 

 

 

Жүктелген міндеттерді орындау үшін емхана жүзеге асырады:  
 
1) денсаулығына және ауруының түріне қарай Емханаға қатынай алмайтын, төсекке тәртібіне мұқтаж, жүйелі дәрігердің бақылауында немесе ауруханаға жатқызу туралы сұрақты шешу бойынша тұрғындарға уақтылы және білікті дәрігерлік көмекті Емханада амбулаторлық қабылдауда, сондай ақ үйінде де көрсету; 
 
2) жіті және кенеттен болған ауруларға, жарақатта, улануда тағы басқа сәтсіз жағдайларда ауруларға алғашқы және шұғыл медициналық көмек көрсету; 
 
3) Емханаға жүгінген емделушілерге ауруын ерте анықтау, білікті және толық көлемде зерттеу жүргізу; 
 
4) стационарлық емделуге мұқтаж тұлғаларға ауруының түріне сәйкес қажетті зерттеу жүргізумен уақтылы ауруханаға жатқызу; 
 
5) ауруларды қалыпты емдеу; 
 
6) профилактикалық тексерулердің барлық түрі; 
 
7) тұрғындардың санитарлық – эпидемиологиялық саулығы саласы бойынша алдын алу жұмысы; 
 
8) тұрақты еңбекке қабылетін жоғалтқан тұлғаларға уақытша еңбекке қабылетсіз сараптама, жеке тұлғаларды санаторлық – курорттық емдеуге, Қазақстан Республикасы еңбек және халықты Әлеуметтік қорғау Министрлігінің аймақтық орнына жолдама.

 

 

 

 

 

 

 

 

 

 

 

І АҚПАРАТТЫҚ-АНЫҚТАМАЛЫҚ  ҚҰЖАТТАР

 

Мекемелер дайындайтын құжаттардың  көп бөлігі ақпараттық-анықтамалық құжаттар болып табылады. Бұл құжаттар нақты істер туралы ақпараттардан тұрып, шешімдер қабылдау және бұйрық сипатындағы құжаттарды дайындауға негіз болады.

Ақпараттық-анықтамалық  құжаттарға анықтамалар, баянхаттар немесе түсініктемелер, актілер, әртүрлі хаттар және т.б. жатады. Олар ұйымдастырушылық-бұйрықтық  сипаттағы құжаттарға қосымша болып  келеді де, міндетті түрде орындауға  жатпайды. Олардағы ақпарат іс-әрекетті орындауға қозғау салғанымен, мәлімет  ретінде ғана қабылданады.

 

 

 

АНЫҚТАМА

 

Анықтама – 1) белгілі бір деректер мен оқиғаларды сипаттайтын, растайтын құжат; 2) қызметтік сипаттағы деректерді растайтын құжат.

 

 

 

 

 

 

 

 

 

 

 

 

 

 

МӘЛІМЕТ

 

Мәлімет – белгілі бір мәселеге қатысты кеңінен ақпарат беретін құжат (ұсыныс жөніндегі мәлімет, ескерту жөніндегі мәлімет, талап жөніндегі мәлімет және т.б.).

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

АКТ

Акт – анықтамалық-ақпараттық құжат. Бекітілген фактілерді немесе оқиғаларды (құралдар жиынтығының, материалдық құндылықтарды қабылдау-тапсыру, құжаттарды жою, апат туралы актілер және т.б.) растау үшін белгілі бір адамдар тобы жасайды. Акт оны жасаушылар шығарған қорытындыдан, айтқан кеңестерден, ұсыныстардан тұруы мүмкін (тексеру, зерттеу, тексеріс, бұйымды сынау және т.б.).

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

                                                                                        

 

 

КУӘЛІК

Куәлік – қандай да бір оқиғаларды, іс-әрекетті, құқықтық қатынастарды растайтын құжат.

 

 

 

 

 

 

 

 

 

ХАТТАМА

 

Хаттама – мекеменің, ұйымның, кәсіпорынның жиналысы мен мәжілістерінде қаралған, талқыланған, қорытындыланған жағдайларды тіркейтін ұйымдастырушылық-өкімдік құжат.

 

 

 

 

 

 

 

 

 

СЕНІМХАТ

 

Сенімхат – сенімді тұлғаға сенім білдіруші (кәсіпорынның немесе азаматтың) атынан қандай да бір іс-әрекеттерді жүзеге асыруға құқық беруі туралы құжат.

Сенімхат үшінші тұлға  алдында сеніп тапсырушының атынан сенімді тұлғаға берілген құжат  болып табылады.

 

 

 

 

 

 

 

 

 

ЕҢБЕК ҚАТЫНАСТАРЫ  ЖӨНІНДЕГІ ҚҰЖАТТАР ЕҢБЕК ШАРТЫ

 

Еңбек шарты 15.05.2007 ж. Қазақстан Республикасының №251-ІІІ Еңбек кодексіне сәйкес 01.07.2007 ж. бастап жұмыс берушілер мен қызметкерлердің арасындағы еңбек қатынастарын реттейтін ресми құжат және Еңбек кодексінің 28-бабы мен ісқағаздарын жүргізудің жалпы қабылданған ережелеріне сәйкес рәсімделеді.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

МЕДИЦИНАЛЫҚ ІС –  ҚҰЖАТТАР

                                            ТҮРЛЕРІ.

 

                Стационардары медициналық іс  құжаттарының маңызды формаларының   бірі  —  ауру тарихы. Ол емдеу-профилактикалық мекемеде барлық емдеу кезеңіндегі сырқаттық жан-күйін бақылау нәтижелерін жазуға арналған. Ауру тарихы стационарда әрбір сыркатқа, оның емдеу мақсатына, диагнозына, стационарда жату ұзақтырына байланыссыз жасалатын алғашқы негізгі құжат.

 

              Ауру тарихы Денсаулық сақтау  министрлігі бекіткен форма бойынша   мұқаба  бет  пен  қосымша  бет қағаздан тұратын бірізге  салынған арнайы бланкаларға   толтырылады. Ауру тарихы белгілі  бірізділікпен толтырылады:  алдымен   мұкаба   бетте   науқастың   паспорт   мәліметтері, оньң диагнозы мен жіберген мекемесі, сырқаттын, түскен күні мен сағаты жазылатын графалары толтырады. Қабылдау бөлімінің дәрігері сырқат түскен кезде оның диагнозын қойып, өзінің сұрары мен зерттеу нәтижесі жөнінде ауру тарихына қажеттілерін жазады. Бөлімшедегі емдейтін дәрігер сырқат анамнезін (сырқат жайында жиналған мәлімет) ержей-тегжей сұрап, жазып алған соң күн сайын күнделік жүргізеді, оған зерттеу нәтижелері, емдеу тәсілдері мен зерттелген мәліметтер жазылады. Ауру тарихы эпикризбен (қорытынды пікірмен) және мұқаба бетке соңғы койылған диагнозы, оперативті емдеу барысы жөніндегі мағлұматтарды жазумен аяқталады. Сырқатты ауруханадан шырарғанда дәрігерлік белгілеулер мен лабораториялық зерттеулер, температуралар жазылған қағазбен бірге барлық толтырылған жазбалар ауру тарихы жазылған қағаздарға желімденеді, одан кейін емдеген дәрігер мен бөлімше бастығы қол қояды. Содан соң ауру тарихы архивке беріледі.

 

             Ауру тарихындагы мағлұматтардың  статистикалық емдеуін жеңілдету  үшін сырқатты ауруханадан үйіне  шығарарда оның карточкасын толтырады.

            Ауру тарихы —аурухананың істеген  жұмысын көрсететін бірден-бір  негізгі құжат, ал ол сондай-ақ  заңдық құқығы бар құжат болып  саналады. Ауру тарихына жазылғандарды  сызып, үстіне жазуға, өшіруге,  қосып жазуға болмайды. Егер сырқатты  басқа бөлімшеге консультация  алуға жіберсе, онда оның ауру  тарихын шығарып салатын мейірбике  өзі алып жүреді. Оны қызметкерлердің  біріне, аурудың өзіне беруге  еш жағдайда да болмайды.

 

Мейірбике әрбір түскен лабораториялық зерттеулер нәтижелерін немесе сырқат жөніндегі мәліметтерді күнделіктерді  ауру тарихына желімдеп отыруы және онын дұрыс сақталуына жауап беруі тиіс. Ауру тарихы мейірбикенің қызмет орнында аузы құлыпталатын жәшікте сақталуы керек және ол науқас қолына түспеуі тиіс. Сырқат қолына оның ауру тарихын беруге, оның ауруы туралы мәліметтерді немесе лабораториялык, зерттеулер нәтижелерін айтуға болмайды. Бөлімшеден ауру тарихы жоғалуы қылмыстық іс деп саналып, ол заң бойынша жазаланады, сондықтан мейірбике ауру тарихын мұқият сақтап, оны ұқыпты ұстауы тиіс.