Салық саясаты механизмі

Қазақстан Республикасының  мемлекетінің бюджетінің құрылымы 1-кестеде көрсетілген.

 

1-кесте  Қазақстан Республикасының мемлекетінің бюджетінің құрылымы

 

	2002 ж	2003 ж	2004 ж	2005 ж	2006 ж	2007 ж	2008 ж ІІ жарты-на дейін
Салықтан түсім	105170	146874	175027	187896	225391	468340	288086
Соның ішінде заңды тұлғалар дың табысына	35270	41446	40285	38271	54759	163529	101799
Қосылған құн салығынан	33259	53905	58801	81007	89030	115159	68893
Акциз	6308	10892	16737	18853	18956	19285	11371
Жеке тұлғалардың табысынан	28802	31280	41266	30127	35329	51016	31251
Мүлік салығы	1872	5902	13068	14625	15210	14763	11051
Жер салығы	2659	3449	4870	5013	4644	5506	2560
Әлеуметтік салық	-	-	-	-	7463	99082	61161
Салықтан   басқа да түсімдер		-	-	-	-	-	-
Бюджетке түскен салық	1995	1996	1997	1998	1999	2000	2001жыл  І жартысы
Барлығы	64,4	82,5	85,7	87,1	87,3	89,4	89,4
Заңды тұлғалардан табысынан	21,1	23,3	19,7	17,7	16,6	31,2	31,6
Қосылған құн салығы	20,8	30,3	28,8	37,6	27,0	22,0	21,4
Акциз	3,9	6,1	6,2	8,7	5,7	3,7	3,5
Жеке  тұлғалардың	16,1	17,6	20,2	14,0	10,7	9,7	9,7
Мүлік салығы	1,2	3,3	6,4	6,8	6,4	2,8	3,4
Жер салығы	1,3	1,9	2,4	2,3	1,4	1,1	0,8
Әлеуметтік салық	-	-	-	-	21,3	18,9	19,0
Қалған бөлігі салықтан басқа түскен	35,6	17,5	14,3	12,9	12,7	10,6	10,6

Әр жылда осы түсім  бойынша өзгерістер мен ауытқулар 1 кестеден көріп отырғандай, салық бюджеттің түсімінің қанша бөлігін құрайтынына келсек 2002 жылы 64,4 пайыз екен. Әрине әр жылда әр қалай. Бүгінгі таңға дейін салық бюджеттің 89,4 пайызын құрап отыр.

2-бөлім. Қазақстан  Республикасының салық саясатын  жетілдіру

 

2.1. Салық салудың  қазіргі кездегі механизмі

 

Қазіргі кезеңде, салық  салу механизмі біздің Республикамызда қалыптаспаған жағдайда болып отыр: қазірдің өзінде оның мәні мемлекеттік реттеудің әкімшілік биліктің сипатын ашып көрсете алмайды, сонымен бірге ол әлі де экономиканы мемлекеттік реттеудің жанама немесе тікелей тиімді құралы бола алмай отыр. Сондай-ақ, соңғы жылдары нарықтық қайта құру тәжірибесі,бюджеттік қаржыландырудың негізгі көзі – салық салу механизмі, өте мардымсыз күйде екенін көрсетеді. Ал бұл салықтардың аздығынан немесе жиынтық көлемінің азайғанынан емес, салық төлемінен ”жалтару” жағдайларының жиілеп кездесетінен туып отыр. Бұған салық жүйесінің өзі көп мүмкіндіктер туғызады, өйткені соғұрлым салықтың жеңілдіктер көп болған сайын, оларға түрлі заңды және заңсыз жолдармен жетуге ұмтылатындардың саны көбейе түседі. Бұған қоса, салық салудың тәртібі жөніндегі Заңның жетілмегендігі және салық қызметкерлерінің кәсіби жағынан және жеке бастарының білім қабілетінің жеткіліксіздігінен салық салу көптеген қиыншылықтарға келіп тіреді. Осындай жағдайдың дұрыс болмауынан әлі күнге шейін қазынаға салықтар аз түсуде, ол халықтың әлеуметтік және саяси жағдайларына тікелей әсерін тигізеді. Өйткені халықтың бюджеттен алатын алымы, осы бюджетке келіп түсетін салықтардың көлеміне байланысты. 2008 жылдың бірінші жартысында Республиканың бюджетіне 43,2 пайыз салықтар түспеген, ол 2007 жылмен салыстырғанда 5,4 есе көп деген сөз. Салық салудың тиімсіздігінің шиеленістіретін факторлар – салық төлеушінің құқығы мен міндеті тұрғысында, салық төлеушінің өзін психологиялық және экономикалық жағынан көрсетудің тиянақсыздығынан болып отыр. Мемлекет салық арқылы қатты әсер етіп, табыстарымызды талап отыр деген қағида туады.

Салық саясатын нысаналы түрде қатайту инфляция мен мемлекет бюджетінің тапшылығын болдырмау мақсатын көздейді. Дүние жүзі тәжірибесінде, мұндай іс-әрекет дағдарыс жылдары біршама орын алатын еді. Дегенмен, бұл жерде бір қағидалы жағдай шет қалып отыр: шет елдердегі жалпы экономикалық дағдарыстардың Қазақстанның экономикалық дағдарысымен салыстырғанда айтарлықтай ерекшеліктері бар. Еліміздегі қалыптасқан жағдайды түсіну мен зерттеу нәтижесінде, оның экономикасы және ондағы салық жүйесі тез арада өзгерістерге келетініне сенуіміз қажет және де олар салық төлеушілер үшін бір американдықтың айтқанындай: “Маған салықтарды төлеу өте ұнайды, өйткені мен олардың көмегімен цивилизацияны сатып ала аламын ”, - деген тұжырымына сай болып келуі керек. Сонымен, Үкіметіміздің алдында тұрған міндет – ол тұрақты қабылданған заңдардың негізінде қаржы жүйесін тез арада қалпына келтіріп, ондағы салық арқылы түсетін түсімдерді реттеп, олардың дұрыс бөлінуін қамтамасыз ету болып табылады және де салықтар, қазынаны толтырып ғана қоймай, өндірісті әрі қарай дамытудың белсенді стимулы рөлін атқаруы қажет деп тұжырымға келеміз. Олар кәсіпкерлікке деген ынталы тежеу механизмі болып келмей, керісінше оның тиімді әрекет етуінің қосымша, бірден бір факторының рөлін атқаруы қажет. Сондықтан біздер салық жүйесін жақсартуда әрқашан қарапайым және баянды принципті естен шығармауымыз керек. Салық заңдарының бұзылуын болдырмау, оны бұзушыларды табу үшін республика Қаржы министрлігінен бөлінген Мемлекеттік салық комитетінің қызметі құрамында өз қызметін барлық облыстар мен аудандардың орталықтарында ұйымдастыру үшін салық полициясы құрылды.

   Салық салу  механизмiне төмендегiлердi жатқызуға болады:

   - салық төлеушiлердi, салық салу объектiлерiн және  салық салуға   байланысты объектiлердi есепке алуды жүргiзу;

   - салық және  бюджетке төленетiн басқа да  мiндеттi төлемдердiң есебi және      аударылған соманың, өсу және  айыппұлдың есебiн жүргiзу;

   - бюджеттiң кiрiс бөлiгiн ағымдағы болжауға қатысу;

   - трасферттiк бағаларды  қолдау кезiнде мемлекеттiк бақылауды  жүзеге асыру;

   - өз құзыретi  шегiнде мемлекеттiк бюджетке  төленетiн мiндеттi төлемдердi     есептеудi және жинауды жүзеге  асыруға уәкiлеттi Қазақстан Республикасы мемлекеттiк органдардың қызметiн бақылауды жүзеге асыру;

   - салық салу  саласындағы заңнасыманың қолдану  тәжiрибесiн талдау және  қорытындылау, сондай-ақ осы саладағы заңнаманы  жетiлдiру және жөнiнде ұсыныстар  енгiзу;

  - салық заңнамасының орындалуын бақылауды жүзеге асыру бойыша жергiлiктi мемлекеттiк органдармен бірігіп шаралар қолдану;

   - қолданылып жүрген заңнамаға сәйкес таңбалауға жататын акцизделетiн өнiмдер бойынша акциздiк алым маркiлерiнiң сақталуын, сатып алынуын және есепке алынуын, сондақ–ақ есепке алу – бақылау маркiлерiнiң жасалуын, сақталуын, сатып алынуын және есепке алуын бақылауды жүзеге асыру;

   -  салық берешегiн  мәжбүрлеп өндiрiп алу жөнiндегi жұмысты ұйымдастыру және жүзеге  асыру;

   - “Салық және бюджетке төленетiн басқа да мiндеттi төлемдер туралы” Қазақстан Республикасының Кодексiнде (Салық кодексiнде) белгiленген тәртiппен салықтардың өсiмақы мен айыппұлдар есептелген сомасы бөлiгiнде, сондай-ақ салық қызметi органдары лауазымды тұлғалардың әрекетi (әркетсiздiгi) бөлiгiнде салықтық тексерулердiң актiлерi бойынша хабарламаларға заңды және жеке тұлғалардың шағымдарын қарау;

   - салық мiндеттемелерiнiң  туындау, орындау және тоқтатылу  мәселелерiн жеке және заңды  тұлғаларға түсiндiру жөнiндегi жұмысты ұйымдастыру және жүзеге асыру.

 

2.2. ҚР салық саясатының негізгі бағыттары

   

Барлық қоғам мүшелерінің  міндеті мен парызы заңда белгіленген  салықтарды төлеу болып табылады, ал салық дегеніміз - бұл материалдық  төлем, яғни заңнама бойынша белгіленген тәртіппен халықтан, ұйымдардан, кәсіпорындардан міндетті түрде мемлекет пайдасына алынатын қайтарылмайтын сипаттағы ақшалай қаражат болып табылады.

       Салықтар  барлық елдерде олардың қоғамдық  экономикалық құрылысы мен саяси  іс - бағытына қарамастан ұлттық мемлекет кірістерінің негізгі көзі - ұлттық табысты қайта бөлудің басты қаржылық құралы, мемлекеттің кірістерін және бюджеттің кірістерін қалыптастырудың шешуші көзі болып табылады. Салықтарда мемлекеттің экономикалық мазмұны нақты түрде көрінеді, ал салықтардың әлеуметтік - экономикалық құрылысымен, мемлекеттің табиғатымен айқындалады. Белгілі философ Фрэнсис Бэкон «салықтарды төлеу әрбір азаматтың қасиетті борышы» деген еді. Бірақ соған қарамастан салық төлеушілердің бір бөлігі салық төлеуден жалтаруға тырысады. Салықты төлеуден жалтару – салық төлемдерін толық немесе ішінара төлемеу мақсатымен салық төлеушінің салық салу обьектісін (табысты, пайданы, тауар айналымын, мүлікті) әдейі жасыруы және азайтуы. Салық төлеушілердің мұндай заңсыз іс - әрекеті мемлекет мүддесіне айтарлықтай нұқсан келтіреді: мемлекеттік бюджет әдәуір қаражаттарды ала алмайды, салық заңнамасын бұзушылар кірістерінің қосымша криминалдық көздері жасалынады, кәсіпкерлік сферасында, салада аймақта және тағы басқалардың құн қозғалысының негізгі үйлесімдері бұрмаланады. Салық төлеуден бас тарту және салықты айналып өту әлемдік тәжірибеде салық құқығының қалыптасуынан кейін пайда бола бастады. Енді неге салықты төлеуден жалтаруға тырысады деген сұраққа жауап іздеп көрелік.

      Оның әр түрлі себептері болуы мүмкін:

1) шаруашылық, кәсіпкерлік  немесе өзгеде қызметті қалыпты жүргізуге мүмкіндік бермейтін елеулі салық ауыртпалығы; салықтардың көптігі және жоғары мөлшерлемелері салық салынатын субьектінің көлеңкелі экономикаға кетуіне жәрдемдеседі.

2) салық заңнамасының  күрделілігі, сонымен қатар оның  анық еместігі, нұсқаулықтары мен ережелердің қағидалары мен нормаларын түрліше түсіндіретін ондағы толықтырулардың, өзгертулердің, түзетулердің көптігі.

3) салық қызметін ұйымдастырудағы  кемшіліктер; қызметкерлердің төмен  біліктілігі мен біліксіздігі, экономикалық білімдер мен құқықтық мәселелердің шектес салаларын жеткіліксіз білуі; тексерулер кезіндегі қызметкерлердің адалдыққа жатпайтын іс - қылықтары;

4) салық сомаларын  баю немесе көлеңкелі бизнестегі  инвестициялау мақсатымен субьектілердің  оларды төлемеуге қасақана, әдейі ұмтылуы және тағы басқа.

       Мемлекет  салықтың қоғамдағы алатын маңызды  рөлін ескере отырып, өзі белгілеген  салық мөлшерінің толық төленуін  міндет етеді. Ол үшін мемлекет  әрбір салық түрін рационизациялау  арқылы және тиімді құқықтық  қамтамасыз етуді жүзеге асыра отырып, салық төлеуден бас тартуды мүмкін емес ететіндей мәжбүрлеу механизмін, бақылау аппаратын құрады, салықтық заңнама негіздерін дұрыс орындамағаны үшін заңды жауапкершілік шараларын белгілейді және тағы басқа.

      Әлемдік  тәжірибе көрсетіп отырғандай, қазіргі кезде экономиканың мүлтіксіз дамуы мемлекетте өмір сүретін адамдардың тұтынуы мен қажеттіліктеріне жеткілікті деңгейде көңіл аударылмайынша мүмкін емес.

     Нарықтық  қатынастардың қалыптасып, дамуы  кезінде маңызды мәселелердің бірі нарықтың дамуы салдарынан пайда болатын кері әсерлерді шектеуге және қоғамның әлеуметтік - экономикалық топтарға бөлінуін одан әрі тереңдетуге мүмкіндік беретін тұрғындарды әлеуметтік қорғаудың жетілдірілген жүйесін құру болып табылады. Мұндай маңызды мәселелердің жан жақты дүрыс шешімін табуда мемлекет қоғамдық дамуға әсер ететін басқа да құралдарды іске қосып, кешенді түрде қимыл жасауы тиіс. Мұнда салық саясатының алатын орны ерекше.

      Салық саясаты – бұл мемлекеттің салық саласында жүргізіліп отырған іс - шараларының жиынтығы. Мемлекет салық саясатын салық саласындағы шаралар жүйесін қоғамның оның нақтылы кезеңіндегі әлеуметтік - экономикалық мақсаттар мен міндеттеріне қарай әзірленген экономикалық саясатқа сәйкес жүргізеді. Салық саясатының мазмұны және мақсат міндеттері қоғамның әлеуметтік - экономикалық жағдайына байланысты.

Салық саясатының негізгі міндеттері:

1. мемлекетті қаржы  ресурстарымен қамтамасыз ету

2. жалпы мемлекеттің  экономикасын реттеуге жағдай  жасау

3. нарықтық қатынастар даму процесі кезінде пайда болатын халықтың табыстарының деңгейінің арасындағы айырмашылықты азайту.

     Нарықтық  қатынастардың қалыптасуы жағдайында  салық саясатының негізгі бағыты  тұтынудың орталықтандырылған қоғамдық  қорлары арқылы халықтың нақты  табыстарының едәуір бөлігін қалыптастырудың өзін ақтамаған қағидатынан бас тарту болып табылады. Бұл еңбек белсенділігінің күшеюіндегі экономикалық ынталылықтың механизмі арқылы халықтың еңбекке жарамды бөлігінің табыстарын айтарлықтай арттыруға мүмкіндік береді. Салық жүйесі арқылы қоғамның еңбекке жарамсыз мүшелерінің неғұрлым тиімді және берік әлеуметтік қорғалуды қамтамасыз етеді.

 Салық саясатының  негізгі құралы салық жүйесі  болып табылады.

      Салық жүйесі дегеніміз салық түрлерінің формаларының салықты құру әдістерінің немесе тәсілдерінің сонымен қатар салықтық қатынастарды реттеуші заңдар және нормативтік актілер және салық органдарының жиынтығын айтамыз. Оның негізгі қызметі бұл шаруашылық субьектілердің қызметін ынталандыруға, еңбек және кәсіпкерлік белсенділікті арттыруға, инфляцияны есепке ала отырып табыстар мен бағалардың өсуін шектеуге, мемлекеттік бюджеттің табыс бөлігінің өсімін қамтамасыз етуге бағытталған. Соңғы жылдары Қазақстан республикасы жаңа салық жүйесін қалыптастыру мен ұйымдастыруда айтарлықтай жетістіктерге жетті. Бюджетаралық қатынастардың реформасы нәтижесінде салық салу жүйесі өзгертілді және халықаралық стандарттарға жауап бере бастады. Жаңа салық жүйесін енгізгеннен кейін саясатта, экономика мен әлеуметтік салада оңтайлы өзгерістер байқала бастады. Салық жүйесі Қазақстан экономикасының тиімділігін көтеруші құралға айналды. Алайда бұл салық жүйесінің кемшіліктері аз емес. Қазіргі кездегі салық жүйесінің ең ірі кемшілігі фискалдық бағыттың басым болуы. Салық жүйесінің басқа қызметтері әлсіз жүзеге асырылады. Келесі ірі кемшілігі, әсіресе шет ел кәсіпкерлері үшін оның тұрақсыздығы.Әрине, қазіргі кезде өзгерістер жылдың басынан бастап іске асқанмен, сонда да салық төлеуші заңды тұлғалар үшін өте қолайсыз болып табылады. Салық төлеушілер үшін салық жүйесінің ең болмағанда 3-5 жылға дейін тұрақты болып қалуы аса маңызды шарт. Алайда тұрақсыз экономика жағдайында бұлай болу әрине мүмкін емес, әсіресе жалпы ішкі өнімнің мөлшері дүниежүзілік бағаға тәуелді жағдайында бұл өте қиынға соғады.

      Салықтардың,  оларды төлеушілердің, салықтарды  алу әдістерінің, салық жеңілдіктерінің  жиынтығының болатындығынан салық  жүйелерінің әжептеуір күрделі  үлгілері болуы мүмкін. Әрине  мұндай жеңілдіктердің бірқатар  артықшылықтары мен кемшіліктері  бар.