Мақал-мәтелдер

Мақал-мәтелдер – халық шығармашылығының төл жемісі, ауыз әдебиетінің көне жанрларының бірі, ғасырлар қойнауынан бүгінгі күнге ешбір өзгеріссіз жеткен философиялық әрі шешендік тұжырымдар, тілдік қордың даналық қазынасы. Мақал мен мәтел еңбекші халықтың тарихын, әлеуметтік барлық өмір тәжірибелерін үлгілі, қысқа түрде айтып береді. Қандай мақалды алсақ та, оның шығуына үлкен оқиға, мәнді әңгіме себеп болады. Мақал соларға берілген баға, жасалған қорытынды, яғни «тоқсан ауыз сөздің тобықтай түйіні». Мақал мен мәтел – халық даналығы.